#Masterkama #旺角
「蝦•全部都係蝦🍤」
龍蝦匯 $428
Unicorn dream $58
Cookie & mint $58
聽聞龍蝦包好好食，旺角終於開左分店啦😍近左我好多，咁岩今日經過一於試下佢既龍蝦😋。餐廳分兩層，以粉藍白為主，簡潔既裝修好靚💙而且有我最愛既日光😍影相都特別靚。
餐牌既風格我都好喜歡☺️而野食既種類都好多啊，例如意粉呀、小食呀、龍蝦系列野食等等。我心已經飄左去我一直想食既龍蝦，所以最後我就簡左龍蝦匯，龍蝦匯入面有三樣野。有龍蝦包、烤蒜蓉牛油龍蝦、意蝦海鮮石鍋湯龍蝦烏冬。
龍蝦包同烤龍蝦放左係一齊。賣相非常吸引😍望到都流口水，旁邊有款檸檬牛油醬，店員提示如果覺得個包唔夠味可以點黎食。由於肚餓關係馬上將龍蝦包一開二，然後開餐lu。龍蝦包龍蝦既份量好足👏唔會hea。而個包我非常非常喜歡😍烘完唔會乾柴好鬆軟，食落有陣陣牛油香😋夾埋入面既龍蝦、菜、沙律醬真係好正👍好快個龍蝦包就比我地清晒了。接著就食烤龍蝦，之前食過d龍蝦冇味又似香口膠，尼個堅唔會，用蒜蓉同牛油黎調味真係絕配啦😍而調味又唔會姐晒龍蝦既鮮味👍而肉質更岩岩好，夠彈牙得黎又唔會咬唔開，確係好驚喜☺️蟹鉗都好多肉架。而薯條都有別於一般薯條，佢加入左紅薯落去，即紅薯條同薯條兩款。食落甜甜地脆脆地，個人覺得好食過普通薯條😛
接下來就係海鮮烏冬。可以簡飯或烏冬！啊～～尼個湯底也太幸福了吧，係好濃郁既龍蝦海鮮湯底👍因為等左陣先食既關係烏冬索晒d汁，勁入味😍烏冬係滑溜溜果隻，份量二人share覺得岩岩好☺️烏冬入面有木耳、栗米、魷魚、青口同蝦仔等材料。石鍋既設計好不錯，可以keep住熱唔會咁快凍晒～
飲品叫左兩杯冰，一杯Unicorn&dream一杯Cookie & mint。治療系飲品啊😍太太太靚了，粉藍色粉紅色太少女系，入面係提子同波子汽水味，又睇得又飲得😋令一杯既薄荷味非常濃郁，也不錯😁
📍旺角山東街50號
Search